Baynes: Nie alle geraakte gemeenskappe gekonsulteer nie, punt
Loading player...
Hans-Christian Mahnke, 'n konsultant vir International Rivers, sê dat formele, wetlik vereiste konsultasies vir die Baynes-hidrokragprojek nog nie begin het nie. Mahnke het ontwikkelaars van onregverdigheid beskuldig en beweer dat groepe wat die dam steun geraadpleeg word, terwyl meer as 2 000 gemeenskapslede wat daarteen gekant is, stelselmatig van behoorlike betrokkenheid uitgesluit word. Dit kom nadat die kantoor van die Ombudsman bevind het dat die konsultasies vir die voorgestelde projek nie aan die vereistes van die Wet op Omgewingsbestuur voldoen nie, en aangevoer het dat formele konsultasie met geaffekteerde gemeenskappe nog nie 'n aanvang geneem het nie. Die projek se bestuur het dit ontken. In April vanjaar het International Rivers 'n terreinbesoek gefasiliteer na waar die Namibiese en Angolese regerings beplan om die Baynes-hidroëlektriese dam in die Kunenerivier te bou. Gebiede wat na verwagting deur die projek se waterreservoir oorstroom sal word is ook besoek. Mahnke praat met Kosmos 94.1 Nuus:
