Handel in renosterhoring is al wat eienaars sal help om diere te beveilig

Met die nuus dat 18 renosters tot dusver vanjaar gestroop is, kom die nuus dat stropery toeneem op plase rondom Etosha Nasionale Park met stropers wat naweek op naweek die plase betree om te stroop. Vyf renosters is die afgelope paar maande so dood. Kosmos 94.1 Nuus het met die voorsitter van Horn.nam, Jaco Muller gepraat. Hy doen weer 'n beroep vir die wettiging van handel in renosterhoring vir eienaars om die diere te kan beveilig. Hy sê tans trek net stropers voordeel uit die kommoditeit.