Spoedhobbels kom op Verbypad

Motoriste en voetgangers in Windhoek word ingelig oor komende padveiligheidsverbeterings, met spoedhobbels wat vanaf vandag langs dele van die B1 Westelike Ompad en die A1-pad geïnstalleer sal word. Die Padowerheid, in samewerking met die vervoerministerie en ander belanghebbendes, sê die ingryping volg op 'n toename in voetgangerverwante ongelukke, insluitend noodlottige voorvalle. Die woordvoerder van die Padowerheid, Hileni Fillemon, het aan Kosmos 94.1 Nuus gesê dat die maatreëls daarop gemik is om voertuie se spoed te verminder en voetgangerveiligheid in geïdentifiseerde hoërisiko-gebiede te verbeter. Sy gee meer inligting.