Kommissie, ministerie 'het brandstofkleinhandelaars in steek gelaat'

Brandstofkleinhandelaars waarsku oor moontlike onderbrekings in voorsiening, asook werkverliese en skade aan klein besighede terwyl die oordrag van 52 Engen- en Shell-vulstasies na Nasan Energies voortgaan. Dit kom nadat die Namibiese Mededingingskommissie 'n versoek van die Brandstof- en Franchisevereniging vir 'n 60-dae verlenging van die oordragproses verwerp het. Kosmos 94.1 Nuus het met die vereniging se voorsitter, Michael Ludeke gepraat, wat sê dat die kommissie en die lynministerie albei brandstofkleinhandelaars in die steek gelaat het wat nie genoeg tyd gehad het om vir die oorgang voor te berei nie.