IPC eis rekord van Amutse se ondersoek na Nasan en Vivo
Loading player...
Die IPC het die regering se hantering van 'n omstrede brandstof-mededingingsbesluit na die parlement geneem. Die party eis antwoorde van die energieminister oor die opskorting van sleutelvoorwaardes wat deur die Mededingingskommissie opgelê is vir die samesmelting van Vivo Energy Namibia met Engen. Dit raak ook Nasan Energies wat verhoed is om vir vyf jaar brandstof by Vitol aan te koop ná sy verkryging van vulstasies van Vivo Energy Namibia. Die IPC se skaduminister van internasionale betrekkinge, Rodney Cloete, vra die vrystelling van die volledige hersieningsrekord en 'n verduideliking van hoe die besluit voldoen aan die grondwetlike beginsels van deursigtigheid, billikheid en mededinging.
