GRN konsulteer oor konsepwet oor ruimtewetenskap

Streekskonsultasies is tans aan die gang oor die Konsepwetsontwerp op Ruimtewetenskap en -tegnologie, wat 'n wetlike raamwerk sal daarstel vir die organisering en regulering van ruimteverwante aktiwiteite om sosio-ekonomiese ontwikkeling te bevorder. Tydens 'n sitting in Oshakati het die hoofbeampte vir wetenskap en tegnologie by die onderwysministerie, Jeremia Haipinge, gesê dat die wet Namibië van 'n passiewe gebruiker na 'n aktiewe deelnemer in die globale ruimtebedryf sal omskakel.