Net nog enetjie

ActionSA het Brink laat sink | Ep. 16

Het Her-man-sonder-ŉ-plan Mashaba met hierdie stap die spyker op die kop óf in sy eie politieke doodskis geslaan? Hoe pas hierdie politieke struwelinge in by die ongelukkighede op provinsiale vlak in Gauteng en Panyaza Leë-sufi se kruistogte teen wit mense? Terwyl die Tshwane-koalisie struikel moet die ANC ook nog planmaak…

2 Oct 32 min

Is Cilliers Brink werkloos? | Ep. 15

ActionSA se mosie van wantroue in burgemeester Brink-stefaans dien vandeesweek in Tshwane. Gaan ActionSA nog gehang word aan die einste galg wat hulle vir die DA reggemaak het? Intussen het president Ramaphosa en Elon Musk ook gesels. Wat gebeur wanneer 'n buffel 'n robot ontmoet?

26 Sep 37 min

Dop die RNE die Bela-toets? | Ep. 14

Hierdie week is 'Net nog enetjie' net betyds terug vir die RNE se eerste groot toets. President Ramaphosa onderteken uiteindelik die Bela-konsepwet, maar nie sonder geweldige teenstand nie. Verskeie laataandoproepe vind plaas tussen die president, lede van die RNE en die burgerlike samelewing.

19 Sep 36 min

Ep. 13 | ‘Net nog enetjie’ oor vroue wat nie mans is nie

Kom elke week saam vir 'n bier na werk en nuuspraatjies saam met Christel, Connie en Nico. Aanbieders: Christel Cornelissen, Connie Mulder en Nico Strydom. "Net nog enetjie" word vervaardig deur Maroela Media.

14 Aug 37 min

Ep. 12 | ‘Net nog enetjie’ oor rassistiese wit kinders

Afrikaanse skole in Gauteng weet al baie goed – as jy rassisme drie keer sê, verskyn Lesufi uit die niet. Hierdie week se episode handel oor die nuutste “rasse-insident” by Pretoria Girls High.

7 Aug 32 min

Ep. 11 | ‘Net nog enetjie’ oor die Sjoe-limpiese Spele-openingseremonie

In hierdie week se episode gesels Connie Mulder, Christel Cornelissen en Nico Strydom oor dié familie-onvriendelike openingseremonie en hoekom die blou man die wêreld rooi in die gesig gelaat het.

31 Jul 32 min

Ep. 10 | ‘Net nog enetjie’ op die voëls in die parlement

Wie het geweet dat Ramaphosa eintlik ’n ywerige voëlkyker is? In sy toespraak het die president gestel dat Suid-Afrika die pad van die sosiale wewer moet volg en saam ’n nes bou eerder as om net te kla soos hadidas of te vreet soos aasvoëls.

24 Jul 36 min

Ep. 9 | ‘Net nog enetjie’ ‘oor’ Donald Trump se sluipmoordpoging

In hierdie week se episode van Net nog enetjie gesels Christel Cornelissen, Nico Strydom en Connie Mulder “oor” die sluipmoordpoging op oudpresident Donald Trump van Amerika. Hoekom is Amerikaners só kwaad dat hulle nie net op mekaar skree nie, maar nou ook op mekaar skiet in die politiek?

17 Jul 38 min

Ep. 8 | ‘Net nog enetjie’ oor Gayton McKenzie se ‘parkrun’ vir ministers

Terwyl ons ŉ breuk van beurtkrag geniet, sukkel die ANC en DA met beurt-mag. Is dié twee bereid om saam met ander partye te regeer of wens die DA, nes die ANC, eintlik maar net dat hulle al die mag kon kry?

10 Jul 39 min

Ep. 7 | ‘Net nog enetjie’ oor John Deere Steenhuisen

Was John “Deere” Steenhuisen ten minste al by Nampo en sal minister McKenzie ŉ bok vir sport (kuns én kultuur) kan wees? Luister hierdie week se episode om alles van die nuwe kabinet te leer.

2 Jul 47 min

Ep. 6 | ‘Net nog enetjie’ oor Ramaphosa en Zille se politieke polka

Dié nuutste episode kyk na die moeilike dans van politieke onderhandelinge wat die ANC tans moet dans – hoe hou ŉ mens een party op sy tone sonder om op ŉ ander s’n te trap?

26 Jun 35 min

Ep. 5 | ‘Net nog enetjie’ oor wie in is, en wie uit is

In 2019 het mense gepraat van die “new dawn” onder president Ramaphosa – nou sit ons eerder met ŉ “GNU-dawn” van ten minste vyf politieke partye wat saam regeer. Bied hierdie rede tot optimisme, of gaan hierdie GNU sink?

19 Jun 37 min

Ep. 4 | ‘Net nog enetjie’ oor ŉ nuwe regering

In hierdie week se aflewering van Net nog enetjie gesels Christel, Connie en Nico oor die regering van nasionale eenheid – wie is in, wie is uit en wat beteken dit vir Afrikaners?

14 Jun 32 min

Ep. 3 | ‘Net nog enetjie’ oor die verkiesing

Is die apoka-lisie tussen die ANC en EFF op pad of gaan die ANC en die Veelpartyhandves eerder saam in die bed spring?

6 Jun 31 min

Ep. 2 | ‘Net nog enetjie’ oor die politiek

Wie het dan nou eintlik die verkiesing gewen, of het almal net verloor? Waarom is dit nou meer nodig as ooit dat die Springbok-kaptein, Siya Koalisie, sy verskyning in die politiek moet maak?

2 Jun 32 min

Ep. 1 | Drink elke week ‘Net nog enetjie’ saam

Kom kuier in hierdie nuwe weeklikse podsending saam met Christel Cornelissen, Connie Mulder en Nico Strydom vir “Net nog enetjie” en nuuspraatjies na werk.

26 May 33 min