Bibberweer in groot deel van die sentrale binneland klaar op teen naweek

'n Groot deel van die sentrale binneland ervaar sedert Dinsdag ysige oggendtemperature met lae maksimum dagtemperature. Elani Heyneke, 'n voorspeller van die die Suid-Afrikaanse Weerdiens se Bloemfontein-kantoor, sê dié bibberweer begin egter in sekere dele nou opklaar vanaf vandag. Sy sê die koue weerstoestande is weens 'n koue front wat vanuit die suidwestelike deel van die land inbeweeg het. Geen sneeu het in die Oos-Vrystaat voorgekom nie, ondanks verskeie foto's wat op sosiale media versprei is oor sneeuneerslae in gebiede in die oostelike deel van die Vrystaat en op die Lesotho-berge. Volgens haar was daar wel sneeu oor die hoogliggende dele van die Oos-Kaap by Barkley-Oos en by Sutherland. OFM-nuus se Christal-Lize Muller het met haar gepraat...