Landboubedryf verbruik water verantwoordelik #AgriSA

Die korrekte verbruik van water in die landboubedryf is noodsaaklik en van groot belang. Produsente se waterregte moet in plek wees en landbouwater moet doeltreffend gemeet word. Dit is volgens Wayman Kritzinger, voorsitter van Agri SA se komitee vir natuurlike hulpbronne, wat meen boere moet die water waaroor hulle beskik ooreenkomstig die regte wat hulle het, goed bestuur. Hy sê georganiseerde landbou is gekant teen die onverantwoordelike verbruik van water. Kritzinger meen egter landbouwater in sy mening word wel optimaal vir produksie deur die bedryf verbruik om voedselsekuriteit in die land te handhaaf. Hy is van mening dat water nie deur die bedryf onverantwoordelik verbruik word nie. OFM-nuus se Christal-Lize Muller het met hom gepraat.