Droogte nog nie gebreek in Noord-Kaap, maar natter siklus word verwag

Die voorslepende droogte in sekere gebiede van die Noord-Kaap, is nog geensins gebreek nie, maar daar is vooruitsigte vir enkele buie, wat nog voor die winter kan voorkom. Daarmee saam lyk die vooruitsigte vir 'n natter komende somerseisoen ook meer belowend. Dit is volgens Johan van den Berg, 'n onafhanklike landbou-weerkundige, wat meen 'n natter siklus word verwag in die sentrale deel van die binneland, wat ook die droogtegeteisterde Noord-Kaap, insluit. Hy sê dit was alreeds in sekere gedeeltes soos die sentrale deel van die Vrystaat sigbaar dié afgelope seisoen gewees. Van den Berg sê dit wil voorkom of die einde van 'n redelike droë siklus, sedert 2011/12, nou in die vooruitsig is. OFM-nuus se Christal-Lize Muller het met hom gepraat.