Europa se hittegolf skuif opwaarts, Trump onder skoot

Rekord-hittegolwe wat Spanje, Brittanje en Frankryk dae lank laat sweet het gaan ooswaarts verskuif, met voorspellers in Duitsland en die Tsjeggiese Republiek wat teen uiterste toestande waarsku. Die Verenigde Nasies se hoof van klimaatsverandering, Simon Stiell, sê "Europa se woeste hittegolf het die vingerafdrukke van die klimaatkrisis oraloor", en vra vir 'n vinniger verskuiwing na hernubare energie, die beskerming van woude en die bevordering van klimaatveerkragtigheid. Die klimaataktivis en voormalige Amerikaanse buitelandse sake-minister, John Kerry, het in 'n gesprek met CNN se Christiane Amanpour gekap na die Trump-administrasie wat die klimaatskrisis ontken.