Verskeie struikelblokke lei tot trae aartappelproduksie

Namibië se aartappelbedryf sukkel om tred te hou met die plaaslike vraag en produseer minder as 'n kwart van wat die land jaarliks verbruik. Terwyl die jaarlikse verbruik meer as 40 000 ton is, staan die plaaslike produksie op net meer as 8 000 ton. Die Akkerbouraad sê informele markte maak meer as 40 persent van plaaslik geproduseerde aartappels uit, wat die groeiende rol van ongereguleerde handel in die voorsieningsketting onderstreep. Landboukenner Wallie Roux het aan Kosmos 94.1 Nuus redes gegee wat produsente ontmoedig om die sektor te betree.