Kosmos 94.1 Nuus

Trump was veel meer op Epstein se vliegtuig as berig

Loading player...
Die jongste Jeffrey Epstein-verwante dokumente wat die Amerikaanse Justisiedepartement Dinsdag vrygestel het, toon president Donald Trump het meer as wat voorheen berig is, op die veroordeelde seksoortreder en finansier se privaat vliegtuig gereis. Hy was tussen 1993 en 1996 op minstens agt vlugte, insluitend minstens vier waarop Epstein se vennoot, Ghislaine Maxwell, ook teenwoordig was. Trump ontken steeds dat hy iets verkeerd gedoen het wat Epstein betref, en sy vermeende teenwoordigheid op die vlugte beteken nie ʼn misdryf nie. Die BBC se hoof-Amerikaanse korrespondent, Gary O'Donnaghue, berig uit Washington:
24 Dec 2025 1AM Afrikaans South Africa News

Other recent episodes

Erongo-goewerneur soek padveiligheid-noodberaad

Die goewerneur van Erongo, Natalia/Goagoses, het 'n hoëvlak-noodberaad oor padveiligheid versoek na 'n noodlottige ongeluk wat Woensdagaand agt lewens geëis het. Sy het gelas dat 'n gesamentlike belanghebbervergadering binne twee weke byeengeroep word, wat belangrike padveiligheidsbelanghebbendes bymekaarbring, insluitend die vervoerministerie, die Padowerheid, die Motorvoertuigongelukkefonds, wetstoepassing en ambulansdienste.
30 Apr 11AM 1 min

Jodehaat ingevoer deur immigrasie: Britse politikus

Die Britse skaduminister van Binnelandse Sake, Chris Philp, vra groter gebruik van teen-terreur-moniteringstegnieke om anti-semitiese misdaad te identifiseer en te voorkom. Dit volg nadat twee Joodse mans gister in Golders Green, Noord-Londen, gesteek is in wat die polisie as 'n terroriste-voorval beskryf het. 'n Vyf-en-veertigjarige Britse burger wat in Somalië…
30 Apr 11AM 1 min

InfoMSME-hub staan klein besighede met raad en daad by

Die Konrad Adenauer-stigting het in samewerking met die Beleggingsbevordering en -ontwikkelingsraad amptelik die InfoMSME-hub bekendgestel. Die aanlyn-platform is geskep om mikro, klein en medium ondernemings en nuwe besighede te help om die ondersteuning wat hulle benodig makliker te vind. Gebruikers kan sakeondersteuningsdienste verken, geleenthede ontdek, toegang tot nuttige hulpbronne kry…
30 Apr 10AM 1 min

Land is finansieel stabiel, gou van gryslys af: BoN

Die Bank van Namibië het vandag in die hoofstad saam met Namfisa, Namibië se finansiële stabiliteitsverslag vrygestel. Volgens die twee finansiële instansies is daar geen risiko’s vir die land nie. Anna William, adjunkdirekteur van finansiële stabiliteit en makroprudensiële toesig by die sentrale bank, gee meer inligting.
30 Apr 10AM 1 min
All episodes