Koue weerstoestande voordelig vir die kersiebedryf
Loading player...
Die verwagte kouefront, wat reeds sy kloue met 'n stewige greep in die Wes-Kaap en Oos-Kaap ingeslaan het, en na verwagting die sentrale binneland vandag tref, kan voordelig wees veral in winterreënvalgebiede waar die droogte sy tol geëis het. Dit sluit gebiede soos die Wes-Kaap en ook gedeeltes van die Noord-Kaap in. Die landbou-ekonoom, dr. Kobus Laubscher, sê koue toestande hou voordele in vir sekere bedrywe. Hy sê veral die kersiebedryf kan daarby baat. Dit nadat kersieboere nie verlede jaar optimale kersieproduksie-omstandighede kon bereik nie. Daarmee saam sal kleinveeboere egter 'n plan moet maak teen die erge koue, wat tog 'n impak op hul diere kan hê.
