Mpumalanga-swemmers terug in die water

Plaaslike swemmers kon weens die Covid-pandemie nie soos gewoonlik vir die seisoen voorberei nie, maar hulle is terug in die water.
Van Riebeeck Park-swembad in Mbombela het onder vlak een van inperking, heropen vir oefening en kompetisies, maar nie die algemene publiek nie.
Swemmers en klubs moet by Mpumalanga Swem en Swem Suid-Afrika geregistreer wees om permitte daarvoor te bekom.
Annelize Obermeyer, die provinsiale sekretaresse, sê hul eerste gala het goed afgeloop.