Woord vir Vandag - 23 Nov 2026
Loading player...
“Selfs al val ‘n regverdige mens sewe keer, hy sal elke keer weer opstaan…” Spreuke 24:16 NLV
Deur God se genade kan jy weer opstaan
Die verskil tussen sukses en mislukking is dikwels die vermoë om een keer meer op te staan as wat jy geval het! Moses kon maklik opgegee het. Sy gesin moes hom wegsteek, hy het by ‘n pleeggesin grootgeword, ‘n kriminele rekord gehad, hy het gehakkel en ‘n humeur gehad wat hom uiteindelik daarvan sou weerhou om die Beloofde Land binne te gaan. Toe God hom egter geroep het om Israel uit Egipte te lei, het hy daartoe ingestem. Josua het die Beloofde Land binnegegaan, maar sonder dat hy skuld daaraan gehad het, is hy eers gedwing om veertig jaar lank in die woestyn rond te swerf. Hy kon in moedeloosheid tou opgegooi het, maar hy was bereid om te gaan waar God hom gesê het om te gaan. Petrus het begin sink terwyl hy op die water probeer loop het, is deur Jesus bestraf omdat hy Hom probeer voorsê het wat om te doen en het selfs ontken dat hy die Here ken. Hy kon homself maklik as ‘n hopelose mislukking gesien het. Nadat hy egter in die bovertrek met die Heilige Gees gevul is, het hy gepreek en drieduisend mense in een dag vir Christus gewen. Uiteindelik het hy ‘n leier in die kerk geword, twee boeke van die Nuwe Testament geskryf en het as martelaar vir Christus se saak gesterf. Het jy geval en voel dit asof jy nie kan opstaan nie? Hierdie Skrifgedeeltes is dan vir jou: ‘Die Here bepaal die rigting van ‘n mens… Al sou so een struikel, hy sal nie val nie, want die Here hou sy hand vas’ (Psalm 37:23-24 NLV). ‘My vyande, julle moenie julle oor my verlekker nie! Ek het geval, maar ek sal weer opstaan…’ (Miga 7:8 NLV).
Deur God se genade kan jy weer opstaan
Die verskil tussen sukses en mislukking is dikwels die vermoë om een keer meer op te staan as wat jy geval het! Moses kon maklik opgegee het. Sy gesin moes hom wegsteek, hy het by ‘n pleeggesin grootgeword, ‘n kriminele rekord gehad, hy het gehakkel en ‘n humeur gehad wat hom uiteindelik daarvan sou weerhou om die Beloofde Land binne te gaan. Toe God hom egter geroep het om Israel uit Egipte te lei, het hy daartoe ingestem. Josua het die Beloofde Land binnegegaan, maar sonder dat hy skuld daaraan gehad het, is hy eers gedwing om veertig jaar lank in die woestyn rond te swerf. Hy kon in moedeloosheid tou opgegooi het, maar hy was bereid om te gaan waar God hom gesê het om te gaan. Petrus het begin sink terwyl hy op die water probeer loop het, is deur Jesus bestraf omdat hy Hom probeer voorsê het wat om te doen en het selfs ontken dat hy die Here ken. Hy kon homself maklik as ‘n hopelose mislukking gesien het. Nadat hy egter in die bovertrek met die Heilige Gees gevul is, het hy gepreek en drieduisend mense in een dag vir Christus gewen. Uiteindelik het hy ‘n leier in die kerk geword, twee boeke van die Nuwe Testament geskryf en het as martelaar vir Christus se saak gesterf. Het jy geval en voel dit asof jy nie kan opstaan nie? Hierdie Skrifgedeeltes is dan vir jou: ‘Die Here bepaal die rigting van ‘n mens… Al sou so een struikel, hy sal nie val nie, want die Here hou sy hand vas’ (Psalm 37:23-24 NLV). ‘My vyande, julle moenie julle oor my verlekker nie! Ek het geval, maar ek sal weer opstaan…’ (Miga 7:8 NLV).
