Woord vir Vandag - 14 Nov 2026
Loading player...
“Onthou, die versoekings wat oor julle pad kom, is nie uniek nie; ander ondervind dit ook…” 1 Korintiërs 10:13 NLV
Hoe om versoekings te hanteer
Jy moet versoekings op dieselfde manier as wat jy onkruid in ‘n tuin sou uitwis, hanteer. Jy kan nie net die bopunte van die onkruid afsny nie, want oor ‘n paar dae sal dit terug wees. Dis soos om te sê: ‘Ek sal eenvoudig ophou sondig.’ Dit spreek net die uiterlike aan. Nog ‘n opsie is om die onkruid en die lote tot op die grond af te sny. Die tuin lyk vir ‘n rukkie goed en onkruidvry, maar dit bly nie onkruidvry nie. Die enigste effektiewe manier om versoeking te hanteer, is om by die wortel daarvan uit te kom. Die Bybel sê: ‘Onthou, die versoekings wat oor julle pad kom, is nie uniek nie; ander ondervind dit ook. God is getrou. Hy sal keer dat die versoeking te sterk vir julle word. Midde-in die versoeking sal Hy vir ‘n uitweg sorg sodat julle kan volhou.’ Wat is God se ‘uitweg’ vir jou? Om in sy Woord te leef en sy Woord in jou te laat leef. Satan het Jesus drie verskillende kere in die woestyn versoek, maar Jesus het hom oorwin. Hoe? Drie keer het Hy geantwoord: ‘Daar staan in die Skrif geskryf…’ Jy moet die Woord van God ken en tydens jou ontmoetings met versoeking gebruik. Die slagveld speel in jou gedagtes af. Daarom het Paulus gesê: ‘Laat julle gedagtes beheer word deur die hemelse dinge, nie deur dinge op hierdie aarde nie. (Kolossense 3:2 NLV). Daarom het hy aan die Christene in Filippi geskryf: ‘Verder, broers, alles wat waar is, alles wat edel is, alles wat reg is, alles wat rein is, alles wat mooi is, alles wat prysenswaardig is - watter deug of lofwaardige saak daar ook mag wees - daarop moet julle julle gedagtes rig’ (Filippense 4:8 AFR83).
Hoe om versoekings te hanteer
Jy moet versoekings op dieselfde manier as wat jy onkruid in ‘n tuin sou uitwis, hanteer. Jy kan nie net die bopunte van die onkruid afsny nie, want oor ‘n paar dae sal dit terug wees. Dis soos om te sê: ‘Ek sal eenvoudig ophou sondig.’ Dit spreek net die uiterlike aan. Nog ‘n opsie is om die onkruid en die lote tot op die grond af te sny. Die tuin lyk vir ‘n rukkie goed en onkruidvry, maar dit bly nie onkruidvry nie. Die enigste effektiewe manier om versoeking te hanteer, is om by die wortel daarvan uit te kom. Die Bybel sê: ‘Onthou, die versoekings wat oor julle pad kom, is nie uniek nie; ander ondervind dit ook. God is getrou. Hy sal keer dat die versoeking te sterk vir julle word. Midde-in die versoeking sal Hy vir ‘n uitweg sorg sodat julle kan volhou.’ Wat is God se ‘uitweg’ vir jou? Om in sy Woord te leef en sy Woord in jou te laat leef. Satan het Jesus drie verskillende kere in die woestyn versoek, maar Jesus het hom oorwin. Hoe? Drie keer het Hy geantwoord: ‘Daar staan in die Skrif geskryf…’ Jy moet die Woord van God ken en tydens jou ontmoetings met versoeking gebruik. Die slagveld speel in jou gedagtes af. Daarom het Paulus gesê: ‘Laat julle gedagtes beheer word deur die hemelse dinge, nie deur dinge op hierdie aarde nie. (Kolossense 3:2 NLV). Daarom het hy aan die Christene in Filippi geskryf: ‘Verder, broers, alles wat waar is, alles wat edel is, alles wat reg is, alles wat rein is, alles wat mooi is, alles wat prysenswaardig is - watter deug of lofwaardige saak daar ook mag wees - daarop moet julle julle gedagtes rig’ (Filippense 4:8 AFR83).
