Woord vir Vandag - 12 Nov 2026
Loading player...
“Ons word al meer verander om soos die Here te lyk, met ‘n heerlikheid wat steeds toeneem namate die Here, dit is die Gees, dit aan ons gee.” 2 Korintiërs 3:18 NLV
Jy is geroep om God se heerlikheid te weerkaats
Ons lewensdoelwit het baie meer met wie ons word, as met met wat ons doen, te make. ‘Want God het hulle reeds vooruit geken, en Hy het hulle aangewys om soos sy Seun te word…’ (Romeine 8:29 NLV). Dit verg baie verskillende ervarings om dit te bewerkstellig. Daarom skryf Paulus: ‘Doen alles sonder kla of teëpraat. Dan sal julle as onberispelike kinders van God bo verdenking staan. Julle sal skoon lewe in ‘n wêreld vol oneerlike en perverse mense. Skyn nou in hierdie donker wêreld soos helder sterre’ (Filippense 2:14-15 NLV). Paulus vergelyk ons met skitterende sterre, en die woord ‘skyn,’ beteken om te weerkaats. Die wetenskaplike term is albedo. Dit is ‘n meting van hoeveel sonlig ‘n hemelliggaam weerkaats. Die planeet Venus het byvoorbeeld die hoogste albedo van amper 0.7. Dit beteken dat byna sewentig persent van die lig wat Venus tref, weerkaats word. Die maan het egter ‘n albedopunt van slegs 0.07. Slegs sewe persent van sonlig word deur die maan weerkaats, maar dit verlig ons pad op wolklose nagte. In ‘n soortgelyke sin het elkeen van ons ‘n geestelike albedo. Die doelwit? Honderd persent weerkaatsing. ‘Ons almal weerspieël die heerlikheid van die Here, want die sluier is van ons gesig af weggeneem. Ons word al meer verander om soos die Here te lyk, met ‘n heerlikheid wat steeds toeneem namate die Here, dit is die Gees, dit aan ons gee.’ Jy kan nie lig produseer nie; jy kan dit net weerkaats. Om verander te word om soos God te lyk, beteken dat ons begin dink soos Hy dink, praat soos Hy praat, voel soos Hy voel en optree soos Hy optree. Dit is die karakter van Christus wat in jou gevorm word totdat jy sy liefde, sy krag, sy geduld en sy vreugde weerkaats.
Jy is geroep om God se heerlikheid te weerkaats
Ons lewensdoelwit het baie meer met wie ons word, as met met wat ons doen, te make. ‘Want God het hulle reeds vooruit geken, en Hy het hulle aangewys om soos sy Seun te word…’ (Romeine 8:29 NLV). Dit verg baie verskillende ervarings om dit te bewerkstellig. Daarom skryf Paulus: ‘Doen alles sonder kla of teëpraat. Dan sal julle as onberispelike kinders van God bo verdenking staan. Julle sal skoon lewe in ‘n wêreld vol oneerlike en perverse mense. Skyn nou in hierdie donker wêreld soos helder sterre’ (Filippense 2:14-15 NLV). Paulus vergelyk ons met skitterende sterre, en die woord ‘skyn,’ beteken om te weerkaats. Die wetenskaplike term is albedo. Dit is ‘n meting van hoeveel sonlig ‘n hemelliggaam weerkaats. Die planeet Venus het byvoorbeeld die hoogste albedo van amper 0.7. Dit beteken dat byna sewentig persent van die lig wat Venus tref, weerkaats word. Die maan het egter ‘n albedopunt van slegs 0.07. Slegs sewe persent van sonlig word deur die maan weerkaats, maar dit verlig ons pad op wolklose nagte. In ‘n soortgelyke sin het elkeen van ons ‘n geestelike albedo. Die doelwit? Honderd persent weerkaatsing. ‘Ons almal weerspieël die heerlikheid van die Here, want die sluier is van ons gesig af weggeneem. Ons word al meer verander om soos die Here te lyk, met ‘n heerlikheid wat steeds toeneem namate die Here, dit is die Gees, dit aan ons gee.’ Jy kan nie lig produseer nie; jy kan dit net weerkaats. Om verander te word om soos God te lyk, beteken dat ons begin dink soos Hy dink, praat soos Hy praat, voel soos Hy voel en optree soos Hy optree. Dit is die karakter van Christus wat in jou gevorm word totdat jy sy liefde, sy krag, sy geduld en sy vreugde weerkaats.
