Woord vir Vandag - 10 Nov 2026
Loading player...
“…Onthou net wat die Here jou God… gedoen het.” Deuteronomium 7:18 NLV
Onthou jou oorwinnings
Een van die kragtigste funksies van jou brein is die vermoë om die verlede te herroep. Wanneer jy vorige oorwinnings onthou, wakker jy die moed, vreugde en gevoel van prestasie wat met die oorwinning geassosieer word, weer aan. Jy kan nooit die krag van ‘n ervaring om jou geloof weer te inspireer, onderskat nie. Van die skeiding van die Rooi See tot die val van Jerigo, het die Israeliete talle wonderwerke gesien wat God namens hulle verrig het. Hy het hulle gewaarsku om nie sy magtige dade te vergeet nie: ‘Moenie vir hulle bang wees nie. Onthou net wat die Here jou God aan Farao en aan die hele Egipte gedoen het. Met julle eie oë het julle die verskriklike dinge gesien wat die Here jou God na hulle gestuur het. Onthou die tekens en wonderdade en die geweldige krag wat die Here gebruik het om julle uit Egipte te lei. Hierdie selfde krag sal die Here jou God gebruik teen die volke waarvoor jy bang is’ (Deuteronomium 7:18-19 NLV). As jy toegelaat het dat Satan jou die tye van goddelike ingryping in jou lewe laat vergeet, moet jy iemand anders se getuienis herroep. Geloof kan uit meer as een rigting kom. Herinner jouself aan die goeie dinge wat God vir jou vriende, kennisse en kollegas gedoen het. Wonderwerke is opwindend, ongeag wie die ontvanger daarvan is. As God dit voorheen gedoen het, kan Hy dit beslis weer doen. ‘Jesus Christus bly steeds dieselfde – gister, vandag en vir altyd!’ (Hebreërs 13:8 NLV). Wanneer iets jou toekoms bedreig, stop en onthou God se goedheid teenoor jou in die verlede. Herinner jouself aan ‘n tyd of voorval waar Hy jou uit ‘n moeilike situasie gebring het. Die woord vir jou vandag is dus – onthou jou vorige oorwinnings.
Onthou jou oorwinnings
Een van die kragtigste funksies van jou brein is die vermoë om die verlede te herroep. Wanneer jy vorige oorwinnings onthou, wakker jy die moed, vreugde en gevoel van prestasie wat met die oorwinning geassosieer word, weer aan. Jy kan nooit die krag van ‘n ervaring om jou geloof weer te inspireer, onderskat nie. Van die skeiding van die Rooi See tot die val van Jerigo, het die Israeliete talle wonderwerke gesien wat God namens hulle verrig het. Hy het hulle gewaarsku om nie sy magtige dade te vergeet nie: ‘Moenie vir hulle bang wees nie. Onthou net wat die Here jou God aan Farao en aan die hele Egipte gedoen het. Met julle eie oë het julle die verskriklike dinge gesien wat die Here jou God na hulle gestuur het. Onthou die tekens en wonderdade en die geweldige krag wat die Here gebruik het om julle uit Egipte te lei. Hierdie selfde krag sal die Here jou God gebruik teen die volke waarvoor jy bang is’ (Deuteronomium 7:18-19 NLV). As jy toegelaat het dat Satan jou die tye van goddelike ingryping in jou lewe laat vergeet, moet jy iemand anders se getuienis herroep. Geloof kan uit meer as een rigting kom. Herinner jouself aan die goeie dinge wat God vir jou vriende, kennisse en kollegas gedoen het. Wonderwerke is opwindend, ongeag wie die ontvanger daarvan is. As God dit voorheen gedoen het, kan Hy dit beslis weer doen. ‘Jesus Christus bly steeds dieselfde – gister, vandag en vir altyd!’ (Hebreërs 13:8 NLV). Wanneer iets jou toekoms bedreig, stop en onthou God se goedheid teenoor jou in die verlede. Herinner jouself aan ‘n tyd of voorval waar Hy jou uit ‘n moeilike situasie gebring het. Die woord vir jou vandag is dus – onthou jou vorige oorwinnings.
