Woord vir Vandag - 4 Nov 2026
Loading player...
“…Ons glo dat ons gewete skoon is, want ons probeer om in alle omstandighede reg op te tree.” Hebreërs 13:18 NLV
Wat sê jou gewete vir jou?
Brandalarms het ‘n interne skakelaar wat deur ‘n ligstraal geaktiveer word. Solank die lig ononderbroke op die fotosensitiewe ontvanger skyn, bly die alarm stil. As rook, vog of ‘n insek egter vir selfs ‘n breukdeel van ‘n sekonde voor die ligstraal inbeweeg, lui die alarm. Om op daardie alarm te reageer, kan die verskil tussen lewe of dood beteken. Jou gewete werk op dieselfde beginsel. Wanneer sonde die verbinding tussen jou en God verbreek, stuur jou gewete ‘n alarm dat iets verkeerd is. Slegs ‘n dwaas sal die alarm net afskakel of die vermoë om deur die alarm te slaap, ontwikkel. Alhoewel sekere dinge nie op sigself ‘verkeerd’ is nie, kan dit vir jou as gevolg van die toekoms wat God in gedagte het, verkeerd wees. Dit beteken daar is dinge wat ander kan doen wat jy nie kan nie. Dus, in plaas daarvan om koppig te wees, verbly jou in die wete dat God groot dinge vir jou in gedagte het. ‘n Franse spreekwoord sê: ‘Daar is geen kussing so sag soos ‘n skoon gewete nie.’ Om na jou gewete te luister sal jou daarvan weerhou om die verkeerde pad te loop. As jy egter besluit om ongeag voort te ploeter, sal jou gewete jou daarvan weerhou om gemaklik met jou besluit te wees. Vra jouself altyd die volgende vraag af en jy sal die regte besluit neem: ‘Hoe sal hierdie besluit my vertroue in God beïnvloed?’ Die Bybel sê: ‘Geliefdes, as ons gewete ons nie veroordeel nie, het ons vrymoedigheid om na God toe te gaan. Wat ons ook al bid, kry ons van Hom omdat ons sy opdragte gehoorsaam en dié dinge in sy teenwoordigheid doen wat Hom bly maak’ (1 Johannes 3:21-22 NLV).
Wat sê jou gewete vir jou?
Brandalarms het ‘n interne skakelaar wat deur ‘n ligstraal geaktiveer word. Solank die lig ononderbroke op die fotosensitiewe ontvanger skyn, bly die alarm stil. As rook, vog of ‘n insek egter vir selfs ‘n breukdeel van ‘n sekonde voor die ligstraal inbeweeg, lui die alarm. Om op daardie alarm te reageer, kan die verskil tussen lewe of dood beteken. Jou gewete werk op dieselfde beginsel. Wanneer sonde die verbinding tussen jou en God verbreek, stuur jou gewete ‘n alarm dat iets verkeerd is. Slegs ‘n dwaas sal die alarm net afskakel of die vermoë om deur die alarm te slaap, ontwikkel. Alhoewel sekere dinge nie op sigself ‘verkeerd’ is nie, kan dit vir jou as gevolg van die toekoms wat God in gedagte het, verkeerd wees. Dit beteken daar is dinge wat ander kan doen wat jy nie kan nie. Dus, in plaas daarvan om koppig te wees, verbly jou in die wete dat God groot dinge vir jou in gedagte het. ‘n Franse spreekwoord sê: ‘Daar is geen kussing so sag soos ‘n skoon gewete nie.’ Om na jou gewete te luister sal jou daarvan weerhou om die verkeerde pad te loop. As jy egter besluit om ongeag voort te ploeter, sal jou gewete jou daarvan weerhou om gemaklik met jou besluit te wees. Vra jouself altyd die volgende vraag af en jy sal die regte besluit neem: ‘Hoe sal hierdie besluit my vertroue in God beïnvloed?’ Die Bybel sê: ‘Geliefdes, as ons gewete ons nie veroordeel nie, het ons vrymoedigheid om na God toe te gaan. Wat ons ook al bid, kry ons van Hom omdat ons sy opdragte gehoorsaam en dié dinge in sy teenwoordigheid doen wat Hom bly maak’ (1 Johannes 3:21-22 NLV).
