Woord vir Vandag - 3 Nov 2026
Loading player...
“Vra My, en Ek sal vir jou ‘n antwoord gee. Ek sal jou van ongelooflike dinge vertel. Dit is nou nog vir jou ‘n geheim, en jy weet niks daarvan nie.” Jeremia 33:3 NLV
Het God jou ‘n goeie idee gegee?
Die meeste suksesverhale begin as ‘n idee in iemand se gedagtes. God is die bron van goeie idees. ‘Van Bo af kom net goeie, ja, volmaakte gawes. Hulle kom van die Vader wat die hemelligte geskep het…’ (Jakobus 1:17 NLV). God gee wysheid en kennis aan diegene wat nederig genoeg is om sy leiding te soek. Sy belofte is: ‘Vra My, en Ek sal vir jou ‘n antwoord gee. Ek sal jou van ongelooflike dinge vertel. Dit is nou nog vir jou ‘n geheim, en jy weet niks daarvan nie.’ Robert Chesebrough het ‘n produk gehad waarin hy heelhartig geglo het. Trouens, dit was sy eie uitvindsel. Chesebrough het staafwas – ‘n dik, donker en klewerige neweproduk wat op oliepompstawe en masjinerie tydens ru-olie-onttrekking vaskleef – in petroleumjellie omskep. Hy het soveel in die genesende aspekte van sy skepping geglo dat hy sy eie eksperiment geword het. Om die voordele van sy produk vir ander te demonstreer, het hy homself met suur en vlamme gebrand. Hy het homself so gereeld en so diep gesny en gekrap dat hy sy hele lewe lank letsels van sy toetse gedra het. Nietemin het Chesebrough sy punt bewys en mense oortuig. Hulle hoef net na sy wonde te kyk en hoe hulle genees het om die waarde van sy produk te kon sien, wat steeds ‘n internasionale topverkoper is. Ons ken dit as Vaseline. Wat sien jy in jou toekoms? Glo jy genoeg in die potensiaal daarvan om ander te help dat jy bereid is om jou tyd, energie, hulpbronne en hoop in die ontwikkeling daarvan te belê? As jy God se leiding soek, sal Hy jou ‘…van ongelooflike dinge vertel. Dit is nou nog vir jou ‘n geheim, en jy weet niks daarvan nie.’
Het God jou ‘n goeie idee gegee?
Die meeste suksesverhale begin as ‘n idee in iemand se gedagtes. God is die bron van goeie idees. ‘Van Bo af kom net goeie, ja, volmaakte gawes. Hulle kom van die Vader wat die hemelligte geskep het…’ (Jakobus 1:17 NLV). God gee wysheid en kennis aan diegene wat nederig genoeg is om sy leiding te soek. Sy belofte is: ‘Vra My, en Ek sal vir jou ‘n antwoord gee. Ek sal jou van ongelooflike dinge vertel. Dit is nou nog vir jou ‘n geheim, en jy weet niks daarvan nie.’ Robert Chesebrough het ‘n produk gehad waarin hy heelhartig geglo het. Trouens, dit was sy eie uitvindsel. Chesebrough het staafwas – ‘n dik, donker en klewerige neweproduk wat op oliepompstawe en masjinerie tydens ru-olie-onttrekking vaskleef – in petroleumjellie omskep. Hy het soveel in die genesende aspekte van sy skepping geglo dat hy sy eie eksperiment geword het. Om die voordele van sy produk vir ander te demonstreer, het hy homself met suur en vlamme gebrand. Hy het homself so gereeld en so diep gesny en gekrap dat hy sy hele lewe lank letsels van sy toetse gedra het. Nietemin het Chesebrough sy punt bewys en mense oortuig. Hulle hoef net na sy wonde te kyk en hoe hulle genees het om die waarde van sy produk te kon sien, wat steeds ‘n internasionale topverkoper is. Ons ken dit as Vaseline. Wat sien jy in jou toekoms? Glo jy genoeg in die potensiaal daarvan om ander te help dat jy bereid is om jou tyd, energie, hulpbronne en hoop in die ontwikkeling daarvan te belê? As jy God se leiding soek, sal Hy jou ‘…van ongelooflike dinge vertel. Dit is nou nog vir jou ‘n geheim, en jy weet niks daarvan nie.’
