Erns Grundling se epiese reis deur Viëtnam in Elders se agste seisoen

Van Hanoi se bedrywige strate tot die mistige berge van Sa Pa, deur magiese grotte, ikoniese baaie en die energieke strate van Ho Chi Minh-stad dis waarna kykers kan uitsien wanneer Elders: Viëtnam op Sondag 19 Julie om 20:00 op kykNET (DStv-kanaal 144) begin uitsaai. Stapper en skrywer Erns Grundling neem kykers op 'n noord na suid reis deur een van Suidoos-Asië se mees fassinerende lande, 'n Veertig-dae-projek wat weens Viëtnam se komplekse burokrasie en verskeie tifone een van die mees uitdagende nog was. Met 'n SAFTA-bekroonde nalatenskap agter die rug, beloof hierdie agste seisoen om kykers te betower en ja, Erns se snor maak eers in die laaste episode sy verskyning.