Woord vir Vandag - 30 Des 2025
Loading player...
“Laat ons seuns sterk word… en ons dogters soos die mooiste pilare...” Psalm 144:12 DB
Gee jou kinders selfvertroue
Sê gedurig vir jou kind dat hulle geliefd, waardevol en bekwaam is. Andersins sal hul konsep van hulself op hul swakste eienskappe en persepsies eerder as hul beste, gebaseer wees. Sielkundiges sê dat sommige van die wêreld se suksesvolste mense aan ‘imposter syndrome’ ly. Wanneer hulle uitgevra word, spreek hierdie mense dikwels diep selftwyfel uit en sê dat hulle nie die posisie wat hulle beklee, of die hoë opinie wat ander van hulle het, werd voel nie. Waar het dit begin? By die huis! Dikwels word hierdie selfkonsep voor puberteit gevorm, wanneer ‘n kind geen duidelike sin van hul identiteit het nie en onaantreklik, dom en nutteloos voel. Dit is wanneer jy as ouer hulle moet verseker dat hierdie gevoel net ‘n kort tydjie sal duur, soos om deur ‘n tonnel te reis waaruit hulle beslis te voorskyn sal kom. Bespreek die seksuele ontwaking wat gaan plaasvind wanneer hulle kinderjare eindig en ook hoe om dit verantwoordelik en moreel te hanteer. Deur dit nie te doen nie, laat jy jou kind alleen om vrae te hanteer waarop hulle nie altyd die regte antwoorde sal kry nie. Ja, jy moet hulle onderrig en reghelp. As hulle egter voortdurend voel asof jy hulle kritiseer en nie aan hulle kant is nie, kan hulle nie die selfvertroue en inisiatief kry om ‘n gesonde selfbeeld te ontwikkel nie. As jou ouers dit nie vir jou gedoen het nie, sal jy ekstra sensitief moet wees en seker maak dat jy dit vir jou kinders doen. Die Psalmdigter Dawid gee vir ons ‘n gebed wat God sal beantwoord: ‘Laat ons seuns sterk word soos jong bome en ons dogters soos die mooiste pilare in die paleis wees.’
Gee jou kinders selfvertroue
Sê gedurig vir jou kind dat hulle geliefd, waardevol en bekwaam is. Andersins sal hul konsep van hulself op hul swakste eienskappe en persepsies eerder as hul beste, gebaseer wees. Sielkundiges sê dat sommige van die wêreld se suksesvolste mense aan ‘imposter syndrome’ ly. Wanneer hulle uitgevra word, spreek hierdie mense dikwels diep selftwyfel uit en sê dat hulle nie die posisie wat hulle beklee, of die hoë opinie wat ander van hulle het, werd voel nie. Waar het dit begin? By die huis! Dikwels word hierdie selfkonsep voor puberteit gevorm, wanneer ‘n kind geen duidelike sin van hul identiteit het nie en onaantreklik, dom en nutteloos voel. Dit is wanneer jy as ouer hulle moet verseker dat hierdie gevoel net ‘n kort tydjie sal duur, soos om deur ‘n tonnel te reis waaruit hulle beslis te voorskyn sal kom. Bespreek die seksuele ontwaking wat gaan plaasvind wanneer hulle kinderjare eindig en ook hoe om dit verantwoordelik en moreel te hanteer. Deur dit nie te doen nie, laat jy jou kind alleen om vrae te hanteer waarop hulle nie altyd die regte antwoorde sal kry nie. Ja, jy moet hulle onderrig en reghelp. As hulle egter voortdurend voel asof jy hulle kritiseer en nie aan hulle kant is nie, kan hulle nie die selfvertroue en inisiatief kry om ‘n gesonde selfbeeld te ontwikkel nie. As jou ouers dit nie vir jou gedoen het nie, sal jy ekstra sensitief moet wees en seker maak dat jy dit vir jou kinders doen. Die Psalmdigter Dawid gee vir ons ‘n gebed wat God sal beantwoord: ‘Laat ons seuns sterk word soos jong bome en ons dogters soos die mooiste pilare in die paleis wees.’
