Woord vir Vandag - 25 Sep 2025
Loading player...
“…Ware lewe word nie gemeet aan hoeveel ons besit nie.” Lukas 12:15 NLV
Hoe om vrygewig te word (1)
As jy ‘n vrygewige persoon wil word, moet jy die volgende doen: 1) Wees dankbaar vir wat jy het. Vrygewigheid ontstaan uit tevredenheid; dit ontstaan nie uit deur nog besittings bymekaar te maak nie. John D. Rockefeller het erken: ‘Ek het miljoene gemaak, maar dit het my geen geluk gebring nie.’ As jy nie met bietjie tevrede is nie, sal jy heel waarskynlik ook nie met baie tevrede wees nie. As jy ook nie vrygewig met die bietjie wat jy het is nie, sal dit waarskynlik nie ewe skielik verander wanneer jy ryk is nie. 2) Moenie toelaat dat die begeerte na besittings jou beheer nie. Jesus het gesê: ‘…Pas op! Moenie gierig wees vir wat jy nie het nie. Ware lewe word nie gemeet aan hoeveel ons besit nie’ (vers 15 NLV). Richard Foster skryf: ‘In ons kultuur is dit ‘n obsessie om goed te besit. As ons dit besit, voel ons ons kan dit beheer; en as ons dit kan beheer, voel ons dit sal ons meer plesier verskaf. Dis egter ‘n illusie.’ 3) Sien geld as ‘n hulpbron. Die eerste keer wat die gewilde Franse skrywer Dominique Lapierre Indië besoek het, het hy met ‘n nuwe Rolls-Royce gery. Terwyl hy daar was, het hy navorsing vir sy boek, The City of Joy, gedoen. Hy het egter ook iets anders ontdek: ‘n passie om die armes te help. Hierdie ontdekking het sy lewe verander. Tot sy dood in Desember 2022 het hy sy tyd tussen skryf, fondsinsameling en hulp aan mense, verdeel. Sy houding kan saamgevat word deur hierdie woorde wat op die agterkant van sy besigheidskaartjie verskyn: ‘Alles wat nie uitgedeel word nie, gaan verlore.’
Hoe om vrygewig te word (1)
As jy ‘n vrygewige persoon wil word, moet jy die volgende doen: 1) Wees dankbaar vir wat jy het. Vrygewigheid ontstaan uit tevredenheid; dit ontstaan nie uit deur nog besittings bymekaar te maak nie. John D. Rockefeller het erken: ‘Ek het miljoene gemaak, maar dit het my geen geluk gebring nie.’ As jy nie met bietjie tevrede is nie, sal jy heel waarskynlik ook nie met baie tevrede wees nie. As jy ook nie vrygewig met die bietjie wat jy het is nie, sal dit waarskynlik nie ewe skielik verander wanneer jy ryk is nie. 2) Moenie toelaat dat die begeerte na besittings jou beheer nie. Jesus het gesê: ‘…Pas op! Moenie gierig wees vir wat jy nie het nie. Ware lewe word nie gemeet aan hoeveel ons besit nie’ (vers 15 NLV). Richard Foster skryf: ‘In ons kultuur is dit ‘n obsessie om goed te besit. As ons dit besit, voel ons ons kan dit beheer; en as ons dit kan beheer, voel ons dit sal ons meer plesier verskaf. Dis egter ‘n illusie.’ 3) Sien geld as ‘n hulpbron. Die eerste keer wat die gewilde Franse skrywer Dominique Lapierre Indië besoek het, het hy met ‘n nuwe Rolls-Royce gery. Terwyl hy daar was, het hy navorsing vir sy boek, The City of Joy, gedoen. Hy het egter ook iets anders ontdek: ‘n passie om die armes te help. Hierdie ontdekking het sy lewe verander. Tot sy dood in Desember 2022 het hy sy tyd tussen skryf, fondsinsameling en hulp aan mense, verdeel. Sy houding kan saamgevat word deur hierdie woorde wat op die agterkant van sy besigheidskaartjie verskyn: ‘Alles wat nie uitgedeel word nie, gaan verlore.’
