Pieter Bergh - Verdediging teen die Cheetahs

Die Suzuki Griekwas sal op hul verdediging fokus wanneer hulle Saterdag in Kimberley teen die Toyota Cheetahs te staan kom in die laaste rondte van wedstryde in die SA Beker.
Die Griekwas is die verdedigende kampioene en die gunstelinge om Saterdag koning te kraai in die buurstryd, maar hulle sal geensins die Vrystaat onderskat nie.
Oor die afgelope paar weke het die Cheetahs goed op dreef gekom in die SA Beker, en hul selfvertroue is hoog.
Die Poubloues se afrigter, Pieter Bergh, het aan OFM Sport gesê dat die Cheetahs hul verdediging sal toets en dat hulle hul man sal moet staan.