DA teiken kontrakteur weens swak werk

Die DA in Mpumalanga gaan vrae aan Thulasizwe Thomo, die LUR vir Openbare Werke, Paaie en Vervoer, rig om te verduidelik hoekom sy departement aanhou om tenders aan Sizampilo Construction Projects toe te ken. Volgens Teboho Sekaledi, ’n DA-LPW, sluit dit die bou van HOP-huise en skoolopknappings in. Hy sê die maatskappy het 'n twyfelagtige rekord, maar het die afgelope jare 'n aansienlike aantal tenders van die provinsiale regering gekry om verskeie paaie te herseël of te rehabiliteer. Dit is sedertdien aan SANRAL oorhandig vir instandhouding en bestuur, ondanks die miljoene wat bestee is.