Twee wat glo uit Mosambiek tronk ontsnap in Malelane aangekeer

Twee mans wat glo uit 'n tronk in Mosambiek ontsnap het, is gisteraand buite Malalane deur die Mpumalanga-polisie in hegtenis geneem. Volgens die polisiewoordvoerder, brigadier Donald Mdhluli, is hulle deur veiligheidsbeamptes vasgetrek weens vermoedens dat hulle nie dokumentasie het om in Suid-Afrika te wees nie. Hulle sal na verwagting binnekort in die hof verskyn vir oortreding van die Immigrasiewet. Die SAPD werk saam met ander instansies om te ondersoek of hulle deel is van 'n groep wat tydens die onlangse politieke onrus in Mosambiek uit 'n tronk ontsnap het.