N4 ongeluk eis sewe lewens

Sewe mense, insluitend ‘n kleuter van ongeveer twee jaar oud, is gistermiddag dood in ‘n botsing op die N4-tolpad tussen Belfast en Wonderfontein. Volgens die woordvoerder van die departement van Gemeenskapsveiligheid in Mpumalanga, Moeti Mmusi, het een van die sedans na vermoede beheer verloor en trompop teen ‘n ander, aankomende voertuig gebots. Die oorledenes sluit beide bestuurders in. Een oorlewende is ernstig beseer. Die oorsaak van die ongeluk word ondersoek.