SANParke stel hek-kwotas in vir Krugerwildtuin

SANParke gaan hekkwotas instel vir dagbesoekers aan die Nasionale Krugerwildtuin gedurende die feestyd. Dit geld vandaf 15 Desember. Besoekers word aangeraai om vooraf aanlyn te bespreek of via SANParke-besprekings. Tydgleuwe sluit in half-ses tot agtuur soggens, van agt tot tien voormiddag, en na 10-uur. Die woordvoerder van die wildtuin, Ike Phaahla, sê vooraf besprekingsfooie word gehef en bewaringsfooie is verpligtend. Voertuie sonder nommerplate word nie toegelaat nie en besoekers word gemaan om die parkreëls te gehoorsaam vir ʼn veilige en aangename ervaring.