Vermeende renosterstroper aangekla weens belasting-ontduiking

‘n Man wat aangekla word weens sy beweerde betrokkenheid by ‘n renosterstroping-sindikaat in Mpumalanga en Limpopo, is gearresteer vir oortreding van die Wet op Belasting-administrasie. Volgens die Valke het Joseph “Big Joe” Nyalungu en sy vrou, Dudu Alicia Mathumbu, in die Nelspruit-landdroshof verskyn. Hulle word saam met hul maatskappy, Mjingo Projects and Transport Services, daarvan beskuldig dat hulle tussen 2011 en 2023 nie inkomstebelasting betaal het nie, met die beraamde uitstaande bedrag wat geraam word op 13-miljoen-Rand. Elkeen is borgtog van een-duisend-Rand toegestaan. Die saak is uitgestel tot 12 Augustus.