Meer as 4-miljoen-Rand se kokaïen ontdek na motorongeluk in Mbombela

‘n 23-jarige man word deur die polisie ondervra na hy betrap is met wat hulle glo kokaïen is. Hy was gistermiddag in ‘n ongeluk op die N4 naby Valencia in Mbombela toe die sleepwa van sy KIA-bakkie losgekom het. Beamptes wat op die ongeluk gereageer het, het gemorsde wit poeier opgemerk en die honde-eenheid is ontbied. Die polisie is oortuig dit is kokaïen en dat dit onderweg was na Gauteng. Dit het ‘n geraamde waarde van vier-en-‘n-half-miljoen-Rand. Die poeier word tans getoets.