Polisie waarsku weer teen blouligbendes in Mpumalanga

Die polisie in Mpumalanga waarsku teen sogenaamde blouligbendes wat hulself as wetstoepassers voordoen om motoriste of vragmotorbestuurders te beroof en selfs te ontvoer. Hulle sê dat werklike wetstoepassers jou sal toelaat om tot by ‘n veilige plek te ry om af te trek, as hulle jou stop. Hulle vra ook dat motoriste dit aanmeld wanneer hulle verdagte konfrontasies op die provinsie se paaie sien gebeur. ‘n Polisiewoordvoerder, Kaptein Magonseni Nkosi, waarsku motoriste om veral op die N2, N3, N4, N11 en N17 versigtig te wees.