Boere hoor vandag oor borgtog na twee mans verdwyn

Twee mans hoor vandag in die Evander-landdroshof of hulle borgtog toegestaan is. Hermanus De Laray, ‘n plaaseienaar, en William Underhay, ‘n plaasbestuurder, is in Januarie gearresteer op aanklagte van moord en regsverydeling. Dit volg op die verdwyning van twee mans verlede Mei op hul plaas in die Leslie-omgewing. Die polisiewoordvoerder in Mpumalanga, Kolonel Donald Mdhluli, sê hulle glo die beskuldigdes het die mans wat een aand op hul plaas gejag het, doodgeskiet en van hul liggame ontslae geraak.