Polisie waarsku teen studieslenters
Loading player...
Die polisie waarsku die publiek teen bedrieërs wat jongmense teiken wat desperaat is om verder te studeer na skool. Volgens die polisiewoordvoerder in Mpumalanga, Kolonel Donald Mdhluli, word voornemende studente deur mense genader wat hulle voordoen as goed verbind met, of werknemers van, tersiêre leerinstellings en wat hulle kan help om keuring en verblyf te verseker - teen ‘n prys. Mense is gewaarsku om kortpaaie te vermy en om navorsing te doen omdat baie van die instellings nie eens bestaan nie.
