Nog 'n Eskom-werknemer vas weens bedrog

‘n 40-jarige voormalige werknemer van Eskom het Vrydag in die Middelburg-streekshof verskyn vir vermeende bedrog, korrupsie en geldwassery. Thandi Ruth Magagula het tussen April 2013 en Julie 2015 as veiligheidsrisikobestuurder gewerk. Volgens die Valke was sy gedurende hierdie tydperk ook 'n direkteur van twee maatskappye wat dienste aan Eskom gelewer het, en sy het versuim om die botsing van belange te verklaar. Volgens die woordvoerder van die Valke in Mpumalanga, Kaptein Dineo Sekgotodi, het dit die kragverskaffer nagenoeg 58-duisend-Rand gekos. Die saak is tot 26 Maart uitgestel.