Boekkeuse - 30 January 24

In hierdie episode van Boekkeuse, met die volgende verkiesing op die horison, gesels ek met Adriaan Basson en Qaanitah Hunter oor hulle studie, Who will rule South Africa? Skryf en leesvaardighede by kinders is lewensnoodsaaklik en dis waarom Reinette Lombard ‘n Tippie-reeks geskep het. Ek gesels met haar vanuit Pretoria. Joan Hambidge bespreek Kobus Lombard se sesde bundel, Sandskrif. Die wenners van Versindaba se landskapverse-kompetisie se verse word voorgelees, asook ‘n voorlesing deur AJ Opperman uit Ingrid Jonker se nuut gepubliseerde bundel Die papie roer en ek word digter. Koos du Plessis se Versamelde Werke – Erfdeel – 40 jaar later is deur sy dogters in Pretoria bekend gestel. Eon de Vos lees my analise van dié literêre skat voor.