Verhoordatum vasgestel vir voormalige veldwagter wat glo renoster stroop in wildtuin

‘n Stroper moet 10 jaar tronkstraf uitdien na hy in 2017 in die Krugerwildtuin met ‘n jaggeweer, ammunisie en byl betrap is. Friday Ngoveni het Maandag in die Skukuza-hof skuldig gepleit op aanklagte van betreding van ‘n nasionale park, besit van onwettige en gevaarlike wapens en sameswering om ‘n misdaad te pleeg. Die woordvoerder van die wildtuin, Ike Phaahla, sê verder die verhoordatum van die voormalige veldwagter, Rodney Landela, en voormalige staatsveearts, Kenneth Motshotso, op stropingverwante klagte is vasgestel vir 18 tot 22 Maart.