Gemoedere kook oor by Lebombo

Ingange na Komatipoort word afgesper deur vragmotorbestuurders wat eis dat die stelsel by Lebombo meer doeltreffend gemaak word, omdat hulle dae lank wag om die grens na Mosambiek oor te steek. Die Departement van Gemeenskapsveiligheid in Mpumalanga bevestig dat twee voertuie wat aan die Lebombo Taxi-vereniging behoort aan die brand gesteek is. Lede van die vereniging patrolleer glo die vragmotors op die N4. Die LUR vir gemeenskapsveiligheid, Vusi Shongwe, sal die toneel vanmiddag besoek. Die kommunikasiebestuurder van TRAC, Solange Soares, raai motoriste aan om die area vir die res van die dag te vermy.