Lily Myn: Krediteure moet stem oor sakereddingsplan

ActionSA in Mpumalanga het die Konstitusionele Hof se weiering verwelkom om Vantage Goldfields toestemming te gee om te appelleer teen ‘n beslissing waarvolgens krediteure van Lily Myn oor die sakereddingsplan moet stem. Thoko Mashiane, die provinsiale voorsitter van ActionSA, hoop dit sal toelaat dat bedrywighede by die myn in Low’s Creek hervat word. Sy beskryf dit as ‘n oorwinning vir die families van die drie mynwerkers wie se liggame sedert die ineenstorings in Februarie 2016 ondergrond vasgekeer is.