DA eis aandag aan krag en riool krisis in Lydenburg
Loading player...
Die DA in Mpumalanga is besorg oor die dubbele krisis van elektrisiteit en riool wat inwoners van Thaba Chweu-munisipaliteit die hoof moet bied. Sonja Boshoff, ‘n DA-lid van die Nasionale Raad van Provinsies, sê kragtoevoer wat na beurtkrag nie herstel word nie, sowel as aanhoudende rioolstortings in Lydenburg verg dringende aandag. Volgens haar is dit nie net ongerieflik nie, maar lei dit tot finansiële verliese en gesondheidsrisiko’s. Sy voeg by dat dit gesondheidsorgfasiliteite ook onder geweldige druk plaas.
