Witrivier al drie dae sonder water en nou ook sonder elektrisiteit

Groot dele van Witrivier het reeds drie dae nie water nie, en is vanoggend ook verras met die herinstelling van beurtkrag in die dorp. Die area is vroeër kwytgestel van beurtkrag te wyte aan 'n ooreenkoms tussen die houtpaneel-vervaardiger Sonae Arauco en die Mbombela-stadsraad. Eskom het egter nou geappèlleer teen 'n onlangse hofbevel wat in Sonae se guns beslis het om die ooreenkoms af te dwing. Die DA-raadslid, Rowan Torr, sê die gebrekkige watervoorsiening skrei ten hemele.