Mpumalanga premier bepleit vrede tussen taxiverenigings

Die premier van Mpumalanga, Refilwe Mtshweni-Tsipane, sê die onbestendigheid wat tot dodelike aanvalle tussen taxiverenigings lei, is tragies en betreurenswaardig. Sy het gister die provinsiale Taxi Indaba in Middelburg toegespreek. Die premier sê hulle verstaan ten volle die uitdagings in die bedryf, soos buitensporige brandstofpryse, diensfooie en koste om taxi's in 'n goeie toestand te hou, maar verenigings moet 'n vreedsame manier vind om kwessies op te los.