Action SA-lid verkla ANC-lid na beweerde aanranding by 'n begrafnis in Barberton

‘n Lid van Action SA het ‘n saak van aanranding geopen omdat hy na bewering Saterdag tydens 'n begrafnis in Barberton deur 'n ANC-lid aangerand is. Bonginhlanhla Khumalo was aanvanklik ‘n LGBTQ+-koördineerder vir die ANC, maar het intussen by Action SA aangesluit. Thoko Mashiane, die voorsitter van die party in Mpumalanga, sê dit is tekenend van die regerende party se houding jeens kwesbare minderhede.