Valke waarsku staatsamptenare oor vals ondersoeke teen hulle
Loading player...
Die Valke in Mpumalanga waarsku die publiek teen mense wat hulself as polisiebeamptes voordoen en staatsamptenare teiken. Volgens die woordvoerder, Kaptein Dineo Sekgotodi, toon hulle vervalste dokumente met ‘n Valke-briefhoof waarvolgens ‘n lasbrief vir die slagoffer se inhegtenisname uitgereik is weens beweerde bedrog, wan-administrasie of diefstal. Hulle eis dan omkoopgeld om die nie-bestaande ondersoeke te laat verdwyn. Enige slagoffers is gevra om dit dadelik by die polisie aan te meld.
