Polisie-afvaardiging besoek Piet Retief na moord op Mkhondo-raadslid
Loading player...
Die minister en adjunkminister van polisie, Bheki Cele en Cassel Mathale, besoek vandag saam met die nasionale kommissaris, generaal Fannie Masemola, Piet Retief. Dit volg op die moord Vrydagaand van Sbonelo Mthembu ‘n ANC-raadslid in Mkhondo-munisipaliteit. Hy is in die Longhomes-informele nedersetting saam met twee ander mans deur drie gewapende verdagtes doodgeskiet. Dit is die tweede geval in etlike maande dat ‘n raadslid vermoor word. Die polisiebestuur sal misdaadpatrone en ingrypingsplanne vir geweldadige misdade in die area bespreek en die families van die slagoffers besoek.
