Krugerwildtuin sê oor olifant-bevolking

Die Krugerwildtuin sê hul doelwit is nie op olifantgetalle te reguleer nie, maar eerder impakte op 'n gelokaliseerde skaal te bestuur. Dit is in reaksie op die versoek van Wildbedryf Suid-Afrika (WRSA) wat vra dat die uitdunning van olifante so spoedig moontlik weer hervat word, om erge skade aan natuurlewe weens oorbevolking te vermy.
Woordvoerder, Ike Phaahla, sê egter die wildtuin kan veel meer olifante huisves as in vroeër-jare, en dat dit 'n baie meer komplekse benadering verg as blote nommers.