#HoeNou?!

Wat het Marilyn Monroe en Kojak gemeen?

Watter een pas nie in hierdie rytjie nie: algoritme, diesel, koper, nikkel? En wat het hierdie klomp almal met mekaar gemeen: eggo, narsisme, hipnose, morfien? Su-an en Gerhard ontrafel dié twee raaisels, plus nog vele meer.

25 Feb 2022 13 min

Hoe maak jy melkkos?

Een van die oudste, tradisioneel Suid-Afrikaanse geregte is sekerlik melkkos – daardie heerlike, dik melkgereg wat op koue wintersaande met pypkaneel en suiker bedien word. Maar melkkos is eintlik al duisende jare oud ... Su-an en Gerhard gesels in hierdie aflewering nie net oor melkkos nie, maar stel ook ʼn…

18 Feb 2022 11 min

Waar kom planete se name vandaan?

In Suid-Afrika is daar spesiale kommissies wat besluit oor die name van plekke. Maar het jy al ooit gewonder wie besluit wat die name van sterre en planete is? Su-an en Gerhard praat oor die name van enkele planete en waar dié name vandaan kom.

11 Feb 2022 13 min

Oor pizza en pasta

'n Mens kry drie soorte mense: pizza-eters, pasta-eters en mense op 'n dieet. Want pizza en pasta is wêreldwyd sekerlik van die gewildste kitskos (en trooskos). Su-an en Gerhard gesels oor die herkoms van dié twee kossoorte en waar hulle name vandaan kom.

4 Feb 2022 15 min

Oor sterre en planete

Het jy al ooit gewonder watter planeet is eerste ontdek? En watter planeet is die onlangsste ontdek? Su-an en Gerhard gesels oor die son, die maan en die sterre ... en al die planete tussenin.

28 Jan 2022 14 min

Om lepel in die dak te steek

Het jy al gewonder waar kom alledaagse gebruiksartikels soos messe, vurke en lepels vandaan? Wanneer het mense byvoorbeeld vir die eerste keer lepels begin gebruik? Su-an en Gerhard gesels oor dié kwessies, asook oor die woorde “lepel” en “spoon”.

21 Jan 2022 10 min

Hoekom is polonie pienk?

Die 2018-listerioseuitbreking onder polonie-eters is dalk al lank vergete onder die meeste mense. Polonie is en bly een van die gewildste en goedkoopste vleissoorte in Suid-Afrika. Gerhard vertel vir Su-an waar die woord vandaan kom en hoekom polonie pienk is.

14 Jan 2022 13 min

Hoekom is borde rond?

Su-an en Gerhard gesels in hierdie aflewering oor bord, pottebakkerswerk, keramiek, erdewerk, steengoed, porselein en eetware.

7 Jan 2022 11 min

Waar kom "nè" vandaan?

Sukkel jy ook altyd om te onthou of die strepie op sommige klinkers nou dié kant toe of daardie kant toe moet lê? In kort, ken jy die verskil tussen die gravis- en die akuutteken? Su-an en Gerhard help jou om dit te onthou en vertel ook waar die woordjie…

31 Dec 2021 14 min

Oor kanseliers en rektors

Wat het ʼn rektor, lektor en doktor met mekaar gemeen? Behalwe dat hulle almal verbonde aan ʼn universiteit is, deel hulle ook ʼn interessante oorsprong. Gerhard vertel vir Su-an waar hierdie woorde vandaan kom en hoe hulle van mekaar verskil.

24 Dec 2021 14 min

Wat is die verskil tussen idiome en gesegdes?

Is “so bang soos die duiwel vir ʼn slypsteen” ʼn idioom of ʼn spreekwoord? Of is dit dalk ʼn gesegde? Wat is die verskil tussen al hierdie verskillende kruie en speserye van taal? Gerhard verduidelik vir Su-an; daarna moet sy ʼn mondelinge eksamen aflê. Kan jy haar klop?

17 Dec 2021 12 min

Oor Worcestershire en monkey gland

ʼn Ou bekende, eg Suid-Afrikaanse staatmaker in enige steakrestaurant, is kruiderysous – beter bekend as monkey gland-sous. Een van die kernbestanddele van dié lekkerny, is worcestershiresous. Su-an en Gerhard verken die herkoms van dié twee souse.

10 Dec 2021 12 min

Oor doktore en lektore

Die persepsie bestaan soms dat universiteitsmense vreeslik gesteld is op hulle titels, terwyl ander mense nie ʼn snars omgee oor die verskil tussen ʼn lektor en ʼn dosent, of tussen ʼn professor en ʼn doktor nie. Su-an en Gerhard gesels oor universiteitsberoepe, -poste, -titels en -aanspreekvorme.

3 Dec 2021 14 min

Waar kom "mos" vandaan?

As daar mos nou een woord in Afrikaans is wat hoegenaamd nie maklik in Engels vertaal kan word nie, is dit die woord “mos”. Su-an en Gerhard het na die oorsprong van dié veelsydige Afrikaanse woord gaan soek.

26 Nov 2021 11 min

Hoekom het ons neusmukus?

Party mense sê ʼn mens mag nie in ordentlike geselskap jou neus snuit nie, laat staan nog snuif. Maar wat nou gemaak as die vog in jou neus wil uit? Wat doen jy dan? Su-an en Gerhard klets oor ʼn potensieel taai en onooglike onderwerp: neusslym.

19 Nov 2021 12 min

Wat is die duiwel se oorkussing?

Wat het jy geleer is die duiwel se oorkussing? Nuuskierigheid? Ledigheid? Luiheid? En waarvoor is die duiwel bang? Vir ʼn knapsak, aambeeld of slypsteen? Speel saam met Su-an, terwyl Gerhard haar idioomkennis op proef stel.

12 Nov 2021 11 min

Waar kom katjiebotter vandaan?

Hoe gereeld eet jy en jou gesin heerlike toebroodjies met grondboontjiebotter en stroop? Of het dit ʼn taboe geword in ons gesondheidsbewuste samelewing? Hoe dan ook, Su-an en Gerhard praat oor die oorsprong van grondbone en grondboontjiebotter.

5 Nov 2021 13 min

Hoekom nies 'n mens?

Is jy een van daardie mense wat hard en duidelik nies, of onderdruk jy jou nies so goed as moontlik? Het jy geweet dat dit gevaarlik kan wees om jou nies te onderdruk? Su-an en Gerhard verken enkele mites en waarhede oor nies.

29 Oct 2021 13 min

Oor strooijonkers en blommemeisies

In tradisionele troues is die bruidsgevolg uitgebreid: van die ouers van die bruid en bruidegom, tot die strooimeisies en strooijonkers, blommemeisies en hofknapies. Is daar ʼn rede vir so ʼn groot gevolg? Su-an en Gerhard maak troupraatjies en verklap waarom bruidsmeisies eintlik almal soos die bruid moet lyk.

22 Oct 2021 13 min

Oor bruide en bruidegomme

Om verloof te raak en voor die wet te trou, is ʼn kulturele gewoonte wat in Antieke Egipte ontstaan het. Su-an en Gerhard verken in hierdie episode die herkoms van twee van die belangrikste deelnemers aan ‘n troue: die bruid en bruidegom.

15 Oct 2021 10 min